പടിഞ്ഞാറ്റുംമുറി: എം.എ.എഫ്.എം. യതീംഖാന സെക്രട്ടറിയും പ്രമുഖ പണ്ഡിതനുമായ അന്വര് അബ്ദുല്ല ഫസ്ഫരി രചിച്ച 'അനന്തരാവകാശം: പ്രായോഗിക തലത്തില്' എന്ന പുസ്തകം പാണക്കാട് സയ്യിദ് മുനവ്വറലി ശിഹാബ് തങ്ങള് കാളാവ് സൈതലവി മുസ്ലിയാര്ക്ക് നല്കി പ്രകാശനം ചെയ്തു.
ഇസ്ലാമിക അനന്തരാവകാശ നിയമങ്ങള് വളരെ സങ്കീര്ണ്ണവും വിപുലവും അന്യൂനവുമാണ്. ഈ വിഷയത്തിലും മറ്റ് കര്മ്മശാസ്ത്ര നിയമങ്ങളിലും ഗണിതശാസ്ത്രം പോലെയുള്ള സഹായക ശാസ്ത്രങ്ങളിലും അവഗാഹമുള്ള പണ്ഡിതന്മാര്ക്ക് മാത്രമെ അനന്തരാവകാശ നിയമങ്ങളില് പ്രവേശിക്കാന് സാധിക്കുകയുള്ളൂ. സാധാരണക്കാര്ക്കുപോലും ഓരോ അവകാശിയുടെയും വിഹിതം എളുപ്പത്തില് കണ്ടുപിടിക്കാന് പറ്റുന്നവിധം ഈ പുസ്തകം ലളിതമായി പ്രതിപാദിക്കുന്നുണ്ട്.
സ്വദേശത്തും വിദേശത്തുമായി ധാരാളം ഗ്രന്ഥങ്ങള് രചിച്ച അന്വര് അബ്ദുല്ല ഫസ്ഫരി നിരവധി പുരസ്കാരങ്ങള് കരസ്ഥമാക്കിയിട്ടുണ്ട്.