പടിഞ്ഞാറ്റുംമുറി: ഫസ്ഫരി ചാരിറ്റബിള്‍ ട്രസ്റ്റ് വയോജനങ്ങള്‍ക്ക് ആരംഭിച്ച പകല്‍ വീട് ബഹു. ടി.എ. അഹമ്മദ് കബീര്‍ എം.എല്‍.എ. ഉദ്ഘാടനം ചെയ്തു. മങ്കടബ്ലോക്ക് പഞ്ചായത്ത് പ്രസിഡന്‍റ് പി. ഉസ്മാന്‍ അധ്യക്ഷം വഹിച്ചു. കെ.വി. ബിയ്യുട്ടി ടീച്ചര്‍, സി.എച്ച്. സലീം, ടി. സലീം (സ്മാര്‍ട്ട്), അബ്ദുറഹ്മാന്‍ മുബാറക് എന്നിവര്‍ സംസാരിച്ചു. ഉദ്ഘാടനത്തോടനു ബന്ധിച്ച് നടന്ന മെഡിക്കല്‍ ക്യാന്വില്‍ നിരവധി പേര്‍ പങ്കെടുത്തു.
മുതിര്‍ന്ന പൗരന്മാരുടെ ജീവിത ഗുണനിലവാരം ഉയര്‍ത്തുകയും പൊതുക്ഷേമം ഉറപ്പുവരുത്തുകയും ചെയ്യുന്ന പകര്‍വീടില്‍ 65ഓളം മുതിര്‍ന്ന പൗരന്മാര്‍ അംഗങ്ങളായുണ്ട്.
ടി.വി., പത്രം, മറ്റു പ്രസിദ്ധീകരണങ്ങള്‍ എന്നിവ ഇവിടെ സജ്ജീകരിച്ചിട്ടുണ്ട്. കൂടാതെ മെഡിക്കല്‍ ക്യാന്വ്, സാംസ്കാരിക സംഗമങ്ങള്‍, വിനോദയാത്രകള്‍, സൗഹൃദ കൂട്ടായ്മകള്‍ തുടങ്ങിയ വിവിധ പരിപാടികളാണ് ഇതോടനുബന്ധിച്ച് നടത്തപ്പെടുന്നത്.
